To view this page in English
Cysylltu Cymru. Y rhwydwaith a adeiladwyd ar gyfer busnesau Cymru
Mae buddsoddiad rhwydwaith o £11 biliwn gan Vodafone¹ yn trawsnewid Cymru drwy gysylltu cymunedau, ysgogi twf a datgloi cyfleoedd newydd.
Adeiladu rhwydwaith gorau Cymru
Mae buddsoddiad Vodafone yn sicrhau’r uwchraddiad mwyaf uchelgeisiol i seilwaith symudol Cymru drwy ddod â darpariaeth 5G Annibynnol (5GSA) y genhedlaeth nesaf i dros 99%2 o'r boblogaeth a galluogi busnesau o bob maint i arloesi a chadw mewn cysylltiad.
Grymuso twf cynhyrchiant Cymru
Gall ein buddsoddiad helpu i gynhyrchu hyd at £4.2 biliwn mewn cynnydd economaidd i Gymru erbyn 2035, gan hybu cynhyrchiant ar draws sectorau allweddol³.
Cysylltu cefn gwlad Cymru
Rydym eisoes wedi cael gwared ar nifer sylweddol o fannau gwan yng Nghymru ac rydym wrthi’n barhaus yn ehangu’r ddarpariaeth wledig drwy'r cyd-rwydwaith gwledig.
Cysylltu rhanbarthau anghysbell
O Fynyddoedd Cambria i arfordir Sir Benfro, rydym yn ymestyn cysylltedd gyda datrysiadau uwch fel technoleg lloeren uniongyrchol i ddyfais.
Pweru Wythnos Tech Cymru 2025
Fel Prif Bartner Rhwydweithio Wythnos Dechnoleg Cymru 2025, mae Vodafone yn hyrwyddo dyfodol digidol Cymru, yn ysgogi arloesi, yn cefnogi cydweithio, ac yn cryfhau'r ecosystem technoleg.
Arloesi sy'n llunio dyfodol Cymru
Rydym yn defnyddio arloesedd rhwydwaith uwch i wella bywydau, cefnogi cymunedau a chryfhau’r gallu digidol ledled Cymru.
Profiad 5G cyngerdd Oasis yn Stadiwm Principality
Cadwodd uwchraddiad 5G Vodafone bron i 150,000 o gefnogwyr Oasis wedi'u cysylltu yn Stadiwm Principality, hyd yn oed ar adegau o ymchwydd enfawr yn y defnydd o ddata. Rhannodd y cefnogwyr bob eiliad yn ddi-dor, gyda digon o ddata wedi'i ddefnyddio i ffrydio caneuon poblogaidd Oasis dros 40,856 o oriau yn ddi-baid.
Y Gweilch i ddefnyddio MPN Annibynnol 5G
Mae Vodafone a'r Gweilch yn defnyddio Rhwydwaith Preifat Symudol (MPN) Annibynnol 5G wrth ailddatblygu maes chwaraeon San Helen, gan greu un o’r meysydd rygbi sydd â’r cysylltiad mwyaf datblygedig yn y Deyrnas Unedig. Bydd y rhwydwaith yn pweru profiadau ymdrochi i gefnogwyr, dadansoddeg chwaraewyr, a gweithrediadau mwy clyfar o 2026.
Mae DIA yn pweru Bae Copr Abertawe
Mae Mynediad Rhyngrwyd Uniongyrchol (DIA) Vodafone yn darparu cysylltedd cyflym a dibynadwy ar draws y Bae Copr yn Abertawe, gan gefnogi miloedd o drigolion, ymwelwyr a busnesau lleol. Gyda chyflymder hyd at 800Mbps, mae'r gwasanaeth yn cynnal cysylltiad di-dor i’r ardal.
Galwad lloeren o gefn gwlad Cymru
Cwblhaodd Vodafone yr alwad fideo lloeren gyntaf erioed o fan oedd heb gysylltiad rhwydwaith o gwbl yng nghefn gwlad Cymru gan ddefnyddio ffôn clyfar safonol. Mae'r datblygiad hwn yn dangos sut y gall technoleg lloeren uniongyrchol-i-ffôn gael gwared ar fylchau yn y ddarpariaeth a chadw pobl wedi'u cysylltu lle bynnag y bônt.
Gwella rhagolygon glaw Afon Hafren
Mae rhwydwaith Vodafone yn gweithredu fel synhwyrydd amgylcheddol, gan ddarparu rhagolygon glaw mwy cywir ar lefel y ddaear ar hyd Afon Hafren. Mae'r dull hwn yn rhoi dealltwriaeth fwy craff fydd yn cryfhau rhybuddion llifogydd cynnar a hybu gwydnwch cymunedol.
Gofal digidol yn cysylltu pobl a darparwyr
Cymerwch olwg i weld sut y gwnaeth Vodafone helpu Bwrdd Iechyd Prifysgol Betsi Cadwaladr (BIPBC) i gadw pobl sy’n agored i niwed wedi'u cysylltu yn ystod y pandemig gyda chysylltedd cyflym, am ddim ac ar ddisgownt, gan agor y drws i arloesi mewn gofal iechyd digidol newydd yng Ngogledd Cymru.
Partneriaeth Cydwasanaethau GIG Cymru
Mae Partneriaeth Cydwasanaethau GIG Cymru (PCGC) yn defnyddio datrysiad Diogelu Gweithwyr Unigol Vodafone i rymuso eu cyflogwyr i deimlo'n fwy diogel.
Cysylltedd gwell mewn parciau gwyliau
Mae Vodafone, Haven a Freshwave wedi rhoi hwb i’r ddarpariaeth 4G a 5G ar draws parciau gwyliau a chymunedau arfordirol ledled y wlad, gan roi data cyflymach a galwadau llais mwy dibynadwy i westeion.
Vodafone a Rygbi Cymru: Gyrru dyfodol y gêm
Mae Vodafone yn lliwio dyfodol Rygbi Cymru drwy rymuso chwaraewyr, timau a llwybrau datblygu, a symud y gamp yn ei blaen gyda thechnoleg arloesol a chysylltedd pwerus.
Grymuso rygbi ar draws llwybrau datblygu
Mae Vodafone yn pweru rygbi menywod a dynion yng Nghymru gyda llwybrau datblygu mwy cadarn, gwell cefnogaeth i berfformiad, a mewnwelediadau ar y pryd drwy PLAYER.Connect, gan helpu athletwyr i hyfforddi'n ddoethach a pherfformio ar eu hanterth.
Trawsnewid chwaraeon drwy dechnoleg 5G
Fel partner trawsnewid digidol i Stadiwm Principality, mae Vodafone yn gwella dadansoddiadau perfformiad ac ymgysylltiad cefnogwyr drwy ddatrysiadau digidol uwch a phŵer 5G Vodafone, gan ddod â chwaraewyr, hyfforddwyr a chefnogwyr yn agosach at bob eiliad ar ac oddi ar y cae.
Cysylltiadau sy'n creu effaith ac yn grymuso cymunedau
Drwy everyone.connected, mae Vodafone yn cael effaith o bwys ac yn cryfhau cymunedau ledled Cymru.
Rhoddion technoleg
Rhoddwch eich hen ddyfeisiau a bydd Vodafone yn eu trosglwyddo i bobl mewn angen drwy Apêl Technoleg Prydain Fawr. Darperir chwe mis o ddata am ddim, galwadau a negeseuon testun diderfyn ar bob dyfais a roddir, gan helpu i gynnal cysylltiad a chefnogaeth i unigolion a'u cynnwys yn ddigidol.
Ehangu mynediad digidol
Drwy charities.connected, mae Vodafone yn partneru ag elusennau i helpu pobl i gael y mynediad, y sgiliau a'r hyder sydd eu hangen i fynd ar-lein. Drwy ddarparu cysylltedd a chefnogaeth ddigidol, rydym yn grymuso unigolion i fod yn rhan o’n byd digidol heddiw.
Diogelu tirwedd Cymru gyda National Parks UK
Drwy ein partneriaeth â National Parks UK, rydym yn adfer cynefinoedd ac yn gwella profiadau ymwelwyr ar draws cyrchfannau eiconig Cymru, gan gynnwys Parciau Cenedlaethol Arfordir Sir Benfro ac Eryri. Gyda'n gilydd, rydym yn atgyweirio gwrychoedd traddodiadol a waliau cerrig sych, yn hybu bioamrywiaeth, ac yn cefnogi cymunedau lleol drwy sgiliau rheoli tir traddodiadol.
Gwobrau ac ardystiadau
Enillydd: Y Rhwydwaith Gorau ar gyfer Busnes 2026
Enillodd Vodafone Business wobr y Rhwydwaith Gorau ar gyfer Busnes⁴ yng Ngwobrau Mobile News 2026. Mae'r wobr hon yn dathlu'r gweithredwr sy'n bodloni gofynion gweithio hyblyg a chynhyrchiant trwy gysylltedd symudol dibynadwy a chyflym, ac yn darparu cefnogaeth o'r radd flaenaf a gwasanaeth sydd wedi'i deilwra at anghenion busnes.
Enillydd: Y Rhwydwaith Gorau ar gyfer Busnes 2025
Derbyniodd Vodafone Business wobr y Rhwydwaith Gorau ar gyfer Busnes yng Ngwobrau’r Diwydiant Symudol 2025⁵ am ein gwasanaeth rhagorol, ein cefnogaeth ddibynadwy, a’n cysylltedd symudol parod ar gyfer busnes a gynlluniwyd i bweru sefydliadau o bob maint.
Ymddiriedaeth lle mae'n bwysig
Wedi'i ddewis gan Seilwaith Cenedlaethol Hanfodol y Deyrnas Unedig ac 82%⁶ o wasanaethau Golau Glas, gellir ymddiried yn Vodafone am ei berfformiad rhwydwaith dibynadwy, sydd bob amser ymlaen lle mae bwysicaf.
1https://www.vodafone.co.uk/network
2https://www.vodafone.co.uk/newscentre/vodafonethree-network-improvement-checker/
3Fel yr ymchwiliwyd gan WPI Strategy, Chwefror 2026
4https://mobilenewsawards.co.uk/MNA2026/en/page/venue
5https://www.mobileindustryawards.com/26
6 Ymddiriedaeth lle mae'n bwysig
Mae'r Deyrnas Unedig yn dibynnu ar Vodafone fel darparwr rhwydwaith gan ei fod yn pweru seilwaith cenedlaethol hanfodol ac 82% o'r Gwasanaethau Brys.
Heddlu
Nifer y Sefydliadau yn y DU = 44
Sefydliadau a bwerir gan Vodafone UK = 40
Tân
Nifer y Sefydliadau yn y DU = 49
Sefydliadau a bwerir gan Vodafone UK = 38
Ambiwlans
Nifer y Sefydliadau yn y DU = 14
Sefydliadau a bwerir gan Vodafone UK = 11
CYFANSWM
Nifer y Sefydliadau yn y DU = 109
Sefydliadau a bwerir gan Vodafone UK = 89